Астана. 28 - қазан. Kazakhstan Today - Байқоңырдан "Прогресс М-08М" жүк кемесі сәтті ұшырылды, деп хабарлайды Kazakhstan Today агенттігінің тілшісі ҚР ТЖМ баспасөз қызметіне сілтеме жасай отырып.
"27-қазан күні сағат 21.19 "Байқоңыр" ғарыш айлағының Гагариндік ұшу алаңынан "Прогресс М-08М" жүк кемесі орнатылған № 123 "Союз-У" зымыраны сәтті ұшырылды. Зымыранды ұшыру штаттық бағдарлама бойынша өтті",- деп айтылған ТЖМ хабарламасында.
Баспасөз қызметі сондай-ақ, ұшырылымға байланысты орын алуы мүмкін төтенше жағдайлардың алдын алу үшін ШҚО, Қарағанды, Қызыорда және Павлодар облыстарының ТЖД апаттық-құтқару күші мен құралдары күшейтілген дайындық режимінде болғандығын атап өтті.
Халықаралық ғарыш стансасының бағдарламасына сәйкес, "Прогресс М-08М" станцияға 2500 кг астам жүк, атап айтқанда отын, ғылыми және борт жабдықтарын, азық-түліктер, экипаж үшін ауа мен су, басқа да материалдар жеткізеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Просмотров: 2088
При использовании информации с сайта гиперссылка на информационное агентство Kazakhstan Today обязательна.
Авторские права на материалы агентства.
