Астана. 16 наурыз. Kazakhstan Today - "ПОСУК Титаниум" ЖШС ("Өскемен титан және магний комбинаты" АҚ және оӊтүстік кореялық "POSCO" компаниясыныӊ бірлескен өнеркәсібі) өнімніӊ халықаралық сертификатталуы аяқталғаннан кейін -жылдыӊ аяғына дейін Оӊтүстік Кореяға титан құймаларыныӊ бірінші топтамасын жөнелтуді жоспарлап отыр. Жобаныӊ құны шамамен 70 млн АҚШ долларын құрайды, осы ретте қаржыландырудыӊ шамамен төрттен бір бөлігін "Қазақстанныӊ Даму Банкі" АҚ ("Бәйтерек" Ұлттық басқарушы холдингі" АҚ еншілес ұйымы, бұдан әрі - Банк, ҚДБ) ұсынды. ҚДБ қаражатыныӊ есебінен "ПОСУК Титаниум" ЖШС 2012-2014 жылдары құрылыс-монтаж жұмыстарына жұмсалған шығындары өтелді. Шығыс Қазақстандағы жаӊа зауыт былтыр қараша айында іске қосылған болатын, деп хабарлайды Kazakhstan Today агенттігініӊ тілшісі.
Банктіӊ жобаға ұзақ мерзімді (10 жылға дейін) несие беруі жылына 6000 тоннадан астам титан құймалары мен слябілерін өндіруді жөнге салу және шамамен 100 тұрақты жұмыс орнын құру мүмкіндігін береді. Салынған зауыт Қазақстанда металлургияда жаӊа технологиялық өзгерістердіӊ, титан өнімдерін өткізу нарығын кеӊейтудіӊ басын бастады.
Өнеркәсіптіӊ ортақ құрылтайшысы "POSCO" компаниясы Оӊтүстік Кореяныӊ кеме жасайтын компанияларына өнеркәсіптік өнімніӊ бірінші топтамасын жеткізеді.
Келешекте титан өнімдерініӊ жаӊа түрлері Қазақстанда қайраӊда мұнай өндіру, химия өнеркәсібі, энергетика саласында, тұшытқыш қондырғыларда, сұйықтатылған газ өндіру саласында пайдаланыла алады.
"Қазақстанныӊ Даму Банкімен" ынтымақтастық Қазақстанда электронды -сәулелі балқыту әдісімен титан құймалары мен слябілерініӊ алғаш инновациялық өндірісін бастау мүмкіндігін берді, олардды "POSCO" компаниясы титан табақтар мен құбырлар жасау мақсатында қайта өӊдейді", - деп баяндады "ПОСУК Титаниум" ЖШС қаржы директоры Бакытжан Шарапиев.
Ақпарат үшін:
Бүгінгі күні ҚДБ металлургия саласында жалпы құны 500 млн АҚШ долларын құрайтын 8 инвестициялық жобаға және 1 экспорттық операцияға қызмет көрсетуде. Олардыӊ ішіне айтарлықтай қаражатты қажет ететін Павлодар облысында қуаттылығы 250 000 тонна бастапқы алюминий өндіру зауытыныӊ, Қостанай қаласында (450 000 тонна) арматура зауытыныӊ, Ақтөбе қаласында (430 000 тонна) рельс арқалық зауытыныӊ құрылысы, Ақтөбе ферроқорытпа зауытында жоғары көміртекті феррохром өндірісін кеӊейту сияқты жобалар кіреді.
"Қазақстанныӊ Даму Банкі" АҚ (ҚДБ) - 2001 жылы құрылған, "Бәйтерек" Ұлттық басқарушы холдингі" АҚ-ныӊ еншілес ұйымы, Қазақстан экономикасыныӊ шикізаттық емес және инфрақұрылымдық секторларын жаӊғырту және дамыту бойынша ұлттық дамыту институты. Негізгі қызмет бағыттары - өндірістік инфрақұрылымды және өӊдеуші өнеркәсіпті дамыту, елдіӊ экономикасына сыртқы және ішкі инвестицияларды тарту және ықпал ету. ҚДБ жеделдетілген индустриялықинновациялық дамыту мемлекеттік бағдарламасыныӊ (ЖИИД МБ) ірі инвестициялық операторларыныӊ бірі болып табылады.
ҚДБ "Бәйтерек" Ұлттық басқарушы холдингі" АҚ құрылымына кіреді. Холдинг, экономиканы дамытуға және әртараптандыруға, инвестициялар тартуға, кластерлерді дамытуға және корпоративтік басқару жүйесін жетілдіруге көмектесу мақсатында, Қазақстан республикасы Президентініӊ 2013 жылдыӊ 22 мамырындағы Жарлығына сәйкес құрылған. Холдингтіӊ жарғылық капиталына 10 даму институтыныӊ акциялар пакеті берілген: "Қазақстанныӊ Даму Банкі" АҚ-ныӊ, "Қазақстанныӊ инвестициялық қоры" АҚ-ныӊ, "Қазақстанныӊ тұрғын үй тұрмыс жинақ банкі" АҚ-ныӊ, "ҚазЭкспортГарант" АҚ-ныӊ, "Даму" кәсіпкерлікті дамыту қоры" АҚ-ныӊ, "Технологиялық даму жөніндегі ұлттық агенттік" АҚ-ныӊ, "Kazyna Capital Management" АҚ-ныӊ, "Стресстік активтер қоры" АҚ-ныӊ, "Қазақстан ипотекалық несиелерге кепілдік беру қоры" АҚ-ныӊ және "Қазақстан Ипотекалық Компаниясы" АҚ-ныӊ.
"ПОСУК Титаниум" ЖШС ("POSUK Titanium") - "ӨТМК" АҚ және "POSCO" оӊтүстік кореялық компаниясыныӊ қатысуымен 2010 жылы құрылған қазақстандық-кореялық бірлескен өнеркәсіп. Өнеркәсіптіӊ қызметі Қазақстанда электронды-сәулелі әдіспен титан құймалары мен слябілерініӊ өндірісін құруға бағытталған.
"Қазақстанныӊ Даму Банкі" АҚ-ныӊ қоғаммен байланыс жасау қызметі
Просмотров: 668
При использовании информации с сайта гиперссылка на информационное агентство Kazakhstan Today обязательна.
Авторские права на материалы агентства.
