Алматы. 16-қыркүйек. Kazakhstan Today - Бүгін Астана уақытымен 09 сағат 59 минутта Жезқазған қаласынан 149 шақырым жерге бортында үш ғарышкер бар "Союз ТМА-21" ғарыш кемесінің түсіру аппараты ойдағыдай қонды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауыша, жерге оралған ресейлік ғарышкерлер Андрей Борисенко мен Александр Самокутяев, сондай-ақ американдық астронавт Рональд Гаран 2011 жылғы 7 сәуірден бері Халықаралық ғарыш стансасында жұмыс істеді. 27-ші және 28-ші экипаждардың орбиталық вахтасы Халықаралық ғарыш стансысында 164 күнге созылды.
Осы кезде 27/28 ХҒС экипаждары ресейлік екі "Прогресс" жүк кемесін, "Союз-ТМА-02М" кемесін, көп дүркін қолданылатын американдық екі кемені қабылдады. Ресейлік және американдық ғарышкерлер мен астронавтар бір-бірден ашық ғарышқа шықты, ХҒС-тың ресейлік сегментінде елуге тарта ғылыми эксперименттер жүзеге асырылды.
Халықаралық ғарыш стансасында 28-экипаж жұмысты жалғастыруда: олар - командир, НАСА астронавты Майкл Фоссум, бортинженерлер - Ресейғарыш ғарышкері Сергей Волков пен Жапон ғарыш агенттігінің австронавты Сатоши Фурукава.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Просмотров: 1923
При использовании информации с сайта гиперссылка на информационное агентство Kazakhstan Today обязательна.
Авторские права на материалы агентства.
