Астана. 5-наурыз. Kazakhstan Today - Бүгін ҚР Мемлекеттік хатшысы Марат Тәжин Румынияның ҚР Төтенше және өкілетті елшісі Николае Урекені қабылдады, деп хабарлайды Kazakhstan Today агенттігінің тілшісі.
Кездесуде екі ел арасындағы ынтымақтастықты одан әрі нығайту мәселелері талқыланды. Тараптар Румыния Премьер-министрінің Қазақстанға биылғы екінші жартыжылдыққа жоспарланған сапарының маңыздылығына тоқталды. Алдағы келіссөздердің инвестициялық жобалар бойынша өзара іс-қимылды әлдеқайда сапалы деңгейге көтеруге, шарттық-құқықтық базаны кеңейтуге мүмкіндік беретіні атап өтілді.
Сонымен қатар, ҚР Мемлекеттік хатшысы ЭКСПО-2017 көрмесін өткізуге Астананың кандидатурасына Румынияның көрсеткен қолдауы үшін алғысын білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Просмотров: 1456
При использовании информации с сайта гиперссылка на информационное агентство Kazakhstan Today обязательна.
Авторские права на материалы агентства.
